講起真係可惜，石偉雄奪得跳馬冠軍一幕，香港傳媒都聚在場地單車館，等候李慧詩上訴成功，之後喺生死之戰再衝金，錯過了現場見證呢個歷史時刻，只能事後補飛性質趕去體操館睇石仔玩單槓做訪問。
下個金牌會係邊個？
體操金牌有何意義？在小弟的認知當中，亞運體操同奧運體操水平相差不遠，都係中國日本玩晒，金牌選手亦唔係平凡人，只有李寧、李小雙、楊威、李小鵬呢類人先攞到金牌，但依家，香港出咗個體操冠軍，真係似幻疑真！
今屆亞運港隊好神奇，港足入16強，賽艇爆個駱坤海，體操又有石偉雄，香港隊下一個金牌，真係唔知又喺邊度爆出來，能否現場見證，要睇彩數囉！
馬田＠仁川