星級教練指導港將獲益良多
「NIKE Rise Challenge」繼勒邦占士（LeBron James）於香港站教波之後，高比今次上海行更帶同列拿特（Damien Lillard）師傅來華做助教，難怪香港代表左柏豪（Paco）都當堂「In晒」！
日日喪操3小時
正在上海站進行的選拔，助教是拓荒者旗下的發展聯盟（D-League）前教練碧克（Michael Peck），曾指導騎士雙星卓斯坦湯臣（Tristan Thompson）及上季狀元安東尼班納特（Anthony Bennett），昔日於拓荒者執教鞭時，更教過列拿特，巴頓（Nicholas Batum）及艾迪列治（LaMarcus Aldridge）。獲星級教練指導，左柏豪大讚勁有得着。
Paco稱：「我因為患病停咗幾年冇打波，以前打開嘅區域防守打法out晒，所以喺碧克身上學到新嘅防守戰術好滿足。」已為人父的Paco，到上海之後每日都有和老婆聯絡，坦言經歷每天喪操3小時之後已攰爆，所以空閒時間都選擇在酒店休息。
至於同屬香港代表的黃律堯，就稱香港球員的技術及基本功不比國內同齡球員輸蝕，出名靚仔的他又話不會在上海玩樂，最緊要專注打好波 。