卡雲尼旺角場自動加操變身「罰抄王」冧粉絲

維港晒新衫
伊巴謙莫域、柏斯托尼文尼斯等球星前晚拉隊去到洲際酒店拍攝新一季作客波衫宣傳照，喺香港夜色為背景襯托下呢件波衫特別有型！

PSG昨早幾項公開活動都喺10點展開，然而卡雲尼於9點45分左右已經現身酒店大堂，為fans簽咗一陣名後便急急腳殺上隊巴，以為該名烏拉圭鋒將晨早流流係去Shopping，原來係去咗練波至真！

盛傳因腸胃炎而延遲至前日抵港嘅卡雲尼，以及有傷在身嘅盧卡斯洛迪古斯、拉比奧特，昨在教練白蘭斯指揮下進行恢復性訓練，盧卡斯及拉比奧特只係全程搓波，卡雲尼則跑足1個鐘頭，絕冇揸流攤。

呢幾位粉絲認真識做，帶埋烏拉圭國旗撐卡雲尼場。 卡雲尼簽名	卡雲尼（左）喺個人網誌上載喺旺角場操練嘅相片。	呢對情侶來自英國，兩人來港定居一年，今次係首度入大球場睇波。 Roxy：伊巴係超級射手，預期佢入兩粒！ Jamie：我有踢開波，今次嚟當然係睇伊巴啦！

3位球員於11時左右收操後洗個白白，縱然大熱天時，但幾位球員離開球場步上隊巴前都有求必應，幫守候粉絲又簽名又合照。當中 「自戀男 」拉比奧特赤裸上身狂騷舊舊腹肌，白蘭斯則被要求簽名在其舊照時風趣地反問球迷：「相中人是我嗎？」至於 「風頭躉」卡雲尼則成為「罰抄之王」，幫球迷喪簽起碼30個名至上到隊巴，但依然全程笑容滿面，返到酒店又有逾50粉絲等候，佢亦來者不拒簽到手軟。

Zoey：最想睇伊巴謙，其實冇話鍾意邊個，只要好波就會睇。 Wesley：因為碧咸開始留意PSG，除伊巴，都會留意華拉堤。

Felix：伊巴好型，我係利迷，想拿維斯過紅軍。