英國傳媒踢爆負責曼聯主場保安事務嘅柏度爾，曾於14年前喺哥哥管理嘅郵局，擅自修改電腦單據，偷走26,000鎊（約34萬港元），最終被判罰社會服務令。曼聯會方話知道柏度爾背景，但佢受聘於保安公司，而且考得保安牌，證明品格冇問題。而費格遜今日會飛去美國探曼聯，相信會同新帥尹戈爾交流領軍心得。