基斯保羅：我會捱夜睇世盃

基斯保羅每次總是來去匆匆，無法仔細感受一下香港情懷。

香港是CP3「Flight Tour飛翔之旅」最後一站，他笑言仍未適應時差，更晨早起身睇世界盃：「我有睇世界盃，今朝4點仲特登起身睇巴西對德國，仲睇晒成場添！」他表示自己本身是超級體育迷，美式足球、高爾夫、保齡球等「樣樣精」，美國隊在今屆世盃有出色表現，全美都陷入世盃熱潮，他自然跟足全程，連美國以外的比賽都會睇。

打波最緊要講鬥心

CP3今次帶同老婆Jada到港，昨日前者受訪時Jada去了酒店附近的商場，爭取時間為一對仔女購物。基斯保羅表示，每次訪港都甚為匆忙，未能體驗香港文化，令他更想在日後找個機會好好地遊香港。他說：「我尋晚同老婆講好想再嚟呢個城市，花啲時間好好感受呢個地方。我之前嚟個幾次都幾匆忙，但係都好Enjoy喺香港嘅時間。」

街場獻技，點可以失手！

雖是表演示範，態度也一絲不苟。

新球季將會是CP3踏入NBA後的第10季，不過他仍未滿足現狀，他說：「NBA令我長大得好快，不過，無論係籃球又好，家庭都好，我認為自己依家責任更大，做人應該要更成熟。」最後，他寄語香港的年輕球員，身形不等於一切：「其實打籃球，高未必就贏晒。我成日同人講，只要籃球架高度維持喺10呎，我都可以打得好好。有樣嘢唔可以數字衡量嘅就係你嘅鬥心，鬥心取決你點打波。」

CP3在香港的人氣不遜任何NBA球星。

本地猛籃羅意庭（左）也爭取機會在CP3身上偷師。