永倫再挫南華冠軍在望

甲一籃球季後賽昨晚在新伊館上演次回合，尾場「華倫大戰」中，南華表現失準，最後永倫憑嚴密防守及穩定表現，以92比68擊退南華，取得冠軍戰兩連捷。至於福建憑香振強轟入23分，帶領球隊以87比60再贏飛鷹，以場數2比0贏得季軍。
消失的球鞋<br>南華惠龍兒（紅衫）打到甩鞋，但仍盡一切努力射波搶分。
消失的球鞋
南華惠龍兒（紅衫）打到甩鞋，但仍盡一切努力射波搶分。

昨仗南華首節只以16比19落後，但是第二節開始手風不順之餘，失誤頗多，被對手頻頻偷波，南華於第二節只得4分，實屬罕見。反觀永倫眾將合作無間，而且防守出色，在半場已領先48比20，最終永倫亦以大比數報捷，只要在7月3日Game3再贏，便可橫掃封王。

福建香振強狂轟全場最高的23分。
  • 福建香振強狂轟全場最高的23分。

福建再擒飛鷹奪季軍

福建在季軍戰未受太大考驗，最終福建大勝27分，繼2010年後再度取得季後賽季軍。香振強表示：「其實之前幾場球賽，我都沒有落場太久，自己比較餓波，今場入局都算快，亦發揮得好，連入多球三分波，很開心球隊能躋身三甲。」