一年一度嘅七人足球賽早前已圓滿結束，最後本地班霸傑志決賽不敵曼城青年隊，可說雖敗猶榮。其實今次係我第二次睇這項比賽，我覺得氣氛非常好係因為除咗節奏明快，亦都會見到老中青三代嘅足球員在場上拚搏，踢出漂亮而快樂嘅足球。
其實我都好開心見到香港有機構出錢出力，幫手搞好本地足球嘅發展，培養下一代。就好似Adventure Sports Academy 咁，邀請咗英格蘭名宿比士利同一班小球員分享戰術、技術以及專業足球員嘅經歷，令小球員獲益良多，亦可以一睹當年巨星風采，雖然年紀大咗，不過身為一位專業嘅運動員，能夠保持咁嘅體魄體力非常值得人尊敬。
我亦見到另一位芬蘭名宿列馬倫，雖然我唔係利物浦嘅粉絲，不過見到呢位昔日巨星仍然能夠喺場上奔馳，簡直係萬分敬佩。
私營機構推動香港運動發展係呢幾年嘅趨勢，除咗有足球之外，仲有籃球、游水與排球等，都不乏參與，除咗可以令大家有更多選擇之外，亦可以提高所有人對運動嘅投入性。
Tuesday with Alex
鍾國樑（Alex）
天生運動狂，前亞運游泳香港隊「水霸王」