已成馬體會生招牌
小記走訪距離馬德里市中心約兩公里嘅卡達朗球場，發現馬體會當正哥斯達係搖錢樹，官方商店門口除咗用佢嘅入波慶祝靚Poster之外，店內屬於哥斯達嘅商品包括專屬Tee、旗幟同海報等等更比其他球員多兩倍。據店員Davide所講，哥斯達嘅波衫同周邊商品都係銷量No.1，拋離排2、3位嘅韋拿同泰拔高圖爾斯幾條街。
馬體會當佢係寶好正路，最犀利係馬德里市內都有唔少哥斯達商品，以市中心紀念品檔為例，一定係最紅、最Hit嘅嘢先擺出嚟搵遊客錢，10檔起碼有8檔將C朗件波衫掛喺門口當眼處，估唔到哥斯達件波衫同樣佔一席位，仲黐住C朗「平起平坐」，認真犀利！