籃網尋日作客最終以1分險勝熱火，今季成功橫掃對手。老將皮雅斯（Paul Pierce）表現搶鏡，更多次與「大帝」勒邦占士（LeBron James）埋身肉搏。今仗攻入14分的皮雅斯職業生涯已攻入24,995分，尚欠5分就可以達到25,000分的里程碑。
NCAA男籃決賽舉行前，山貓兩位球員、嚟自康涅狄格大學嘅甘巴獲加（Kemba Walker）同嚟自肯塔基大學嘅基爾基士堤（Michael Kidd-Gilchrist）打賭，輸波嘅一方要穿上贏波嗰邊嘅T恤，見到基爾基士堤嘅表情，大家應該知道誰勝進負啦！
波蘭語對大多數美國人嚟講係一個比較難學習嘅語言，巫師嘅「波蘭鐵錘」哥達（Marcin Gortat）有見及此就搵埋一班隊友拍片教大家講波蘭話，不過球迷睇完段片掛住笑都係學唔到啲乜！