速龍昨日公布一款特殊嘅隊徽，據稱將在2014至2015年球季使用。呢個隊徽係為咗紀念速龍成立20周年，新隊徽重新加入咗速龍嘅經典紫色，同時融合咗依家嘅隊徽設計。據講呢個新隊徽將會被繡喺速龍2014至15年球季嘅波衫上面，球隊即將會公布2014至15年球季20周年慶典嘅具體活動。
潮流興復古，唔少NBA球隊都會着番早幾年嘅波衫出戰，今次就輪到金塊，佢哋將會着上1993至94年嘅球衣出戰3月17日嘅賽事。金塊為隆重其事，仲專登搵主將羅臣（TY Lawson）、費列特（Kenneth Faried）、科爾（Randy Foye）同韋遜贊特拿（Wilson Chandler）齊齊影番幅靚相造勢。