十分耕耘可得百倍收穫？

我諗頭多，資金少，只能刀仔鋸大樹，不過鋸下鋸下又俾我鋸到啲運氣，希望大家嚟緊新一年，可以堅信自己理念，然後一馬當先，馬上有錢！哈哈！

活化工廈作體育場地

前幾日有個新客打俾我，話想搵我訂幾個充氣足球龍門，我仲以為係啲香港本地足球學校，點知原來係準備嚟香港登陸嘅新學校。兩年幾以來我接觸過全港所有足球學校，發覺近幾年確實多咗好多類此機構，有本地亦有外國franchise合作的。呢兩三年，好多機構開始租用學校場地，或者上樓，慢慢將工業大廈活化成體育活動場地。其實呢啲都唔係新鮮嘢，只不過香港人懂得變通，將不可能變成可能。未來香港的趨勢，應該要著重futsal（室內足球）多啲，因為大場有限，喺細場地練習，學好基本功，再細緻在futsal場練盤扭技術，跟住保送外國學法，踢埋職業，咁香港足球就有救喇！

鍾國樑（Alex）

天生運動狂，前亞運游泳香港隊「水霸王」