黑妹踩入年宵賣福袋
香港羽毛球代表葉姵延（黑妹）趁住今年香港空手道運動員李嘉維和張均樂喺維園年宵開檔，在年宵101號檔銷售自家製潮爆索繩袋，尋日特登踩場力撐老友兼擔任「生招牌」，變身一日店員，去年尾剛升任蛋糕店老闆娘的「黑妹」對推銷似乎很有經驗，幫手推賣福袋，短短幾個小時已賣出不少福袋。
「黑妹」更有求必應，顧客要求合照，亦喺福袋上簽名留念，佢亦感謝市民支持：「其實我好開心有唔少市民認出我，雖然唔一定會買，但至少知道我哋係邊個項目運動員，有留意體育新聞。」經過今次「擺檔」經驗，「黑妹」希望未來能夠集合唔同項目嘅運動員，一齊籌辦一個特別嘅年宵攤位，令港人更加關注同支持香港運動員。
