紐約人射手JR史密夫（JR Smith）近期因「鞋帶門」事件搞到畀聯盟重罰5萬美元（約39萬港元），仲畀教練活臣（Mike Woodson）放入雪櫃。不過，呢位上季最佳第六人認真唔識死，日前夜蒲影相時竟然又擺出除人鞋帶嘅甫士，擺明係寸緊聯盟啦！
火箭吉祥物Clutch日前玩嚇人大整蠱，喺球員練波前喺場外扮乖企定定，點知練完波之後趁火箭兵行出門口時突然衝前嚇對方一跳。「超人」杜域侯活（Dwight Howard）竟被嚇到成個人彈起，手中無線電話更飛脫，之後惟有踢吉祥物下體報復！