黑妹終極目標開Cafe

講到「整餅」，「黑妹」原來早已是體壇中的師傅級人馬，身邊好友都嘗過她的作品。「一直都有研究整嘢食，以前體院pantry好方便，我喺嗰度都整過好多次蛋糕，香蕉蛋糕、芝士蛋糕都整過，Sarah（單車女將李慧詩）同Carmen（賽艇選手李嘉文）亦食過好多次，我又會因應佢哋口味，整啲低脂肪嘅，佢哋都話鍾意食。」最近「黑妹」入股蛋糕店做老闆，店舖以售賣卷蛋為主打，卻非她擅長的類別。「咁冇理由間舖賣卷蛋，我竟然唔識整o架！所以決定搵師傳學，識咗之後第日整完可以拎出嚟賣都好吖！」

師傅滿意畀8分

後來「黑妹」透過互聯網知道「W Cake」開班，決定報名一試。這天在本報記者見證下，終於跟師傅Wilson上了第一堂，學習製作以Line卡通人物為造型的卷蛋。製作過程中，「黑妹」表現得十分認真，只是在最後關頭有點蝦碌。「黑妹」解釋：「之前整嗰啲蛋糕，材料好多，好複雜，呢次卷蛋就比較簡單，最難係要畫公仔，同埋捲嘅過程。捲嘅時候要花啲心機，溫柔啲，始終自己係粗魯型，比較困難。」

黑妹上堂時聆聽師傅Wilson嘅講解。	3D Line聖誕卷蛋蛋糕做法 1.把蛋白打起，並慢慢加入3分2沙糖	2.將餘下3分1沙糖加入蛋黃並打起

師傅Wilson則表示，在製作蛋糕類別中，卷蛋只屬初級難度，他認為「黑妹」的表現已很好：「10分滿分嘅話，我會畀黑妹8分。可能佢打慣羽毛球，身手較好，好快就上手，只係差少少經驗。其實整蛋糕都係工多藝熟，天分可以培養出嚟，最緊要係多加練習。」

3.將蛋白加入蛋黃並攪勻	4.慢慢加入篩好的麵粉，攪勻	5.加入油及水，攪勻

「黑妹」大叫一聲Yeah之後補充：「其實我有另一個夢想，就係開咖啡店，可以畀人坐得好舒服嗰啲，如果可以用自己個名，叫『黑妹Cafe』都唔錯！」

6.抽出小量，加可可粉，攪勻，跟隨式樣畫圖	7.放入已預熱170度的焗爐，焗2分鐘	8.焗完後拿出，將剛才的材料倒進爐盤
9.放入已預熱170度的焗爐，焗15分鐘	10.打起甜忌廉，然後塗上蛋糕，再細心捲起

聖誕卷蛋材料

蛋白120g

蛋黃80g

水10g

沙糖60g

低筋麵粉80g

油20g

可可粉5g

圖/文：Vincent、司徒子文　

場地提供：W Cake