拿殊紀錄片4月加國首映

大量私生活曝光

拿殊職業生涯成就輝煌，紀錄片中當然會講述呢位控衞如何兩奪最有價值球員及帶領太陽殺入2012年西岸決賽的豐功偉績。據悉，由於拿殊於2012年夏天轉投湖人，導演米高咸美頓（Michael Hamilton）要「補戲」重拍片尾，製作勁認真。

除場內威水史，紀錄片更有一些拿殊於場外鮮為人知的故事，不過導演米高咸美頓就大賣關子：「拿殊好多私人生活趣事大家都未必知，想睇就真係要入場。同埋我想強調，製作呢部紀錄片並唔係因為拿殊嘅職業生涯去到尾聲，而係我想藉住電影帶畀大家一個訊息，就係好似拿殊咁成功嘅人，都要通過不斷訓練去追夢，絕對係後輩學習嘅榜樣。」

收益全數做善事

《NASH》將於明年4月中在加拿大多倫多或溫哥華作首映，從NBA官網發布的宣傳片所見，美國總統奧巴馬、「小飛俠」、姚明、「萬人迷」碧咸及影星奧雲威爾遜都有份參與演出，陣容可謂星光熠熠。紀錄片收益將全數撥捐拿殊基金會，有星睇又可以做善事，因此估計《NASH》紀錄片肯定賣座。