日前熱火作客公牛嘅賽事，有公牛啦啦隊成員喺表演完之後被安排坐喺場中央，呢個時候公牛吉祥物走咗出嚟，原來吉祥物係呢位啦啦隊員嘅男友，個男仔仲即場攞出戒指向女友求婚，真係Sweet到爆。
曾効力鳳凰城太陽的前ＮＢＡ名宿巴克利（Charles Barkley）退役後轉行做講波佬，日前去巴克萊中心評述籃網主場對紐約人嘅賽事時，竟然坐地鐵入場。唔講唔知原來今次係巴克利首次搭地鐵，好多人都同佢打招呼，而巴克利亦非常禮貌地滿足晒大家合照嘅要求，認真識撈。