溜馬主將保羅佐治（Paul George）今季表現神勇，帶領球隊於東岸獨佔鰲頭，更一躍成為今季MVP候選人。用「春風得意」來形容保羅佐治可說適合不過，球場得意情場亦非常得意；據美國八卦媒體《Terezowens》爆料，保羅佐治正與《Playboy》女郎貝斯亞加（Jessica Burciaga）約會，後者曾被爆係高比拜仁（Kobe Bryant）情婦之一，難怪八卦媒體嘲笑視高比為偶像的保羅佐治，連對女人的品味都要一模一樣。
貝斯亞加現年30歲，比保羅佐治大7歲，擁有墨西哥、法國、西班牙、愛爾蘭和德國血統，更屬著名雜誌《Playboy》的合約模特兒。不過，貝斯亞加真正聲名大噪係2011年12月，當時高比正與老婆雲妮莎（Vanessa Laine）鬧離婚，有媒體稱貝斯亞加係高比情婦之一，「小飛俠」曾於她身上豪花百萬美元。緋聞曝光後，貝斯亞加於Twitter澄清從不認識高比，怒斥該媒體「老作」。值得一提係，保羅佐治好像很久以前已對貝斯亞加動心，於兩月前曾於自己Instagram發布一張貝斯亞加性感相片，不過外界當時以為佢係貝斯亞加的fans。事實上，保羅佐治曾多次表示自己係高比粉絲，因為高比仔所以揀24號波衫，更於訓練中努力模仿「小飛俠」各種動作。
現時金塊主帥梳爾（Brian Shaw）當年曾與高比做隊友，據他表示於溜馬做助教時，保羅佐治像小朋友般每天纏住他問高比如何訓練及比賽，更指保羅佐治特別希望能與高比睇齊。估唔到為了兌現「高比做過嘅我都一定要做」的誓言，保羅佐治竟連高比的緋聞情婦都搭上，難怪Terezowens都嘲笑話：「我哋都知道貝斯亞加曾經同高比傳過緋聞，估唔到當高比係偶像、模仿佢打法嘅保羅佐治，連對女人嘅品味都學足『小飛俠』」。溜馬明早將作客雷霆，希望這宗緋聞不會對保羅佐治演出造成影響。
（now 678周一早上8時直播）
講開高比，佢剛於自己facebook發布一段兩分鐘影片，融合風、雨、雪、雷電等多種元素，一件24號球衣則於當中飄蕩，象徵高比職業生涯經歷各種考驗。片尾則出現「THE LEGEND CONTINUES（傳奇的繼續）......12月8日」，意味高比將於香港時間12月9日湖人主場對速龍一戰正式復出。（now 635周一早上10時30分直播）