柏臣斯搭上菲女星

火箭於本周一抵達菲律賓準備季前賽，型男柏臣斯第二晚靜極思動，相約當地著名的演員及歌手康塞普西翁共進晚餐。事實上，柏臣斯與康塞普西翁其實早有聯繫，《Kris TV》節目主持人早於今年5月已踢爆康塞普西翁與一位火箭球員過從甚密，其後有人發現柏臣斯與康塞普西翁於twitter上互相關注及有所交流，這話題一直在菲律賓被熱議。

菲島熱傳兩人緋聞

柏臣斯亦大方承認與康塞普西翁見面及共進晚餐：「我哋有個共同朋友，係佢幫我哋聯絡，希望我哋未來能為呢度做啲嘢。佢係一個唔錯嘅女仔，尋晚我同佢共同度過美好時光，希望將來仲可以見面。」

唔知係咪畀康塞普西翁搞到暈晒大浪，柏臣斯之後仲大讚菲律賓女仕都係靚女：「呢度有好多好索嘅靚女仔，佢哋個個都唔錯，笑起上嚟好甜而且好大方。呢個係一段好好嘅經歷，非常享受呢度嘅時光。」賣晒口乖大讚菲律賓女仔靚爆鏡，唔知柏臣斯係咪想同康塞普西翁有更進一步接觸，甚至發展一段異地情緣呢？火箭同溜馬於菲律賓進行完季前賽後，將於10月13日於台灣進行第二場季前賽。

本報綜合報道