米高佐敦原本希望Jasmine可以結婚生仔，點知女兒竟然戀上大學女籃隊員，令「波神」驚到不知所措，諗唔到自己同老友莊遜（Earvin Johnson）一樣遇上仔女同性戀問題，幾個月前「魔術手」嘅囝囝同男友手拖手行街，但佢同太太都表態支持，莊遜都安慰「波神」要攞出父愛去解決問題。不過，「波神」都未有對女兒「出櫃」而發表任何回應。
講起NBA，湖人球星高比拜仁（Kobe Bryant）同西甲巴塞隆拿阿根廷球星美斯Crossover擦出火花，佢哋早前為土耳其航空公司拍嘅趣味廣告，近日被選為亞太區最受歡迎嘅YouTube廣告第一名，點擊率更超過1.05億。