巴西新球王尼馬尋日自爆走去紋身，據報佢喺兩隻腳足踝對上位置，分別紋上葡文Ousadia（勇敢）同Alegria（快樂），似乎係想自我勉勵。相中所見尼馬兩隻腳非常白滑，佢日前接受《Surface》雜誌訪問，就自爆有鋪剃腳毛癮，但佢否認係「姿整男」。至於其新東家巴塞公布上季財政報告，淨賺3,200萬歐元（約3.3億港元），為球隊史上第二高。