Yannes今年先加入娛樂圈，頭炮就係暑假期間聯同其餘12位靚女，一齊出《Donut × Inside》寫真集。雖然Yannes只得17歲仲讀緊書，但目標就相當遠大，希望做下一個范冰冰：「其實入行係因為想見識多啲嘢，可以擴闊自己眼界，所以我將目標定得遠啲，如果可以好似范冰冰咁進軍荷里活，做世界級明星，相信可以見到嘅嘢會更多。」問到最希望喺邊方面發展，Yannes就話想拍戲，尤其係喜劇，因為佢最鍾意氹人開心！