曹星如中招熊貓眼過牛一
香港首位全職拳手曹星如（Rex）尋日26歲「牛一」，前晚至喺菲律賓返嚟嘅佢，喺當地集訓時唔留神被打中眼部，不過開朗嘅Rex笑住咁話：「第一次帶住『熊貓眼』過生日，感覺幾得意吖！」對於生日願望，壽星仔就希望響今年躋身世界Top 10，好有大志喎！
Rex尋晚有機會同偶像鄒市明交流，顯得非常興奮：「好開心可以近距離同佢一齊練習，星期二我哋更會作出對打練習，正！」鄒市明亦同Rex講生日快樂，令壽星仔開心得「見牙唔見眼」，而兩大星級拳手亦會喺《皇金拳賽II》亮相。
目前職業生涯9戰全勝6次K.O.對手嘅曹星如透露已收到一份生日禮物：「係哥哥送畀我嘅水樽，我會響7月27日嘅比賽時用！」