潮玩Stand up Paddle

Stand up Paddle近年傳到亞洲，喜歡陽光與海灘的朋友今個夏天走到沙灘不難發現這種「潮玩」。Andy早兩年在英國經由奧運金牌得主荷蘭的華斯貝克介紹試玩後，已被這玩意深深吸引：「想自己玩又得，約埋朋友玩又得。」Andy兩月前豪花五位數字購買新板，可知佢幾着迷。

玩法多變 唔識游水都有計

Stand up Paddle最重要是在板上取得平衡，然後再用槳划水前進，就可以出海，這項休閒運動在外國已經Hit到爆，鍾意「激」就去滑浪兼參加比賽，有女士就喜歡在板上玩瑜伽，甚至有人出海釣魚，不過，Andy話另一吸引之處就是如果加快速度的話消耗量都幾大，所以很多fit男fit女都會揀這項運動消脂keep fit。

型仔型女用嚟keep弗

最近Andy已經用Stand up Paddle取替了平日岸上訓練的單車作為體能Training：「呢排無風嘅話，我都會撐隻板出海當做體能訓練，划45分鐘至1粒鐘體力都消耗好大，踩單車出汗會『黐立立』，玩SUP玩到倦跳落水就爽番晒啦。」

很多水上活動都要求參與者懂得游水，但站立式滑水就連不懂游水的朋友都可以試玩，當然要記緊穿上助浮衣，Andy稱：「我有個女性朋友唔識游水，原本佢唔敢落水，但經過半粒鐘之後，佢已經跟埋我哋幾個朋友齊齊出海。」Andy本月23日又踏上征途，到法國參加歐洲滑浪風帆錦標賽，而8月便出戰遼寧的全運會，他坦言這兩個比賽都會以平常心參戰，但會力爭獎牌。

話你知 熱潮滑入時裝界

著名時裝設計師STELLA McCartney又一次將體育運動與時裝crossover，她與adidas的2013春夏設計系列，都是以席捲全球各大海灘的Paddle boarding作為本季設計主題，充滿陽光氣色，可見這項「潮玩」已進軍時裝界別。