鐵人李致和嘅囡囡Clara啱啱滿一歲，佢話父親節都係同屋企人食吓飯，無乜特別慶祝，最緊要囡囡天天開心、健康成長！
風帆夫婦何智豪（HO）與陳慧琪呢對孖女，轉眼間已經半歲，阿HO：「好期待佢哋送禮物畀我，不過，依家仲細個，所以今日等我出住錢買個蛋糕同佢哋公公一齊慶祝吓啦。」
「風之子」陳敬然（阿英）因代表香港奧委會去雅典交流，今年父親節與囝囝陳靖相隔異地，阿英話佢要求嘅父親節禮物好簡單：「只要佢同我講聲『我愛您』，然後緊抱我一下，已經好滿足。」
