教完o靚仔 店舖受訪
「聰明仔」先到麥花臣球場，參加由Nike主辦嘅「ETU」（Elite Training Unit）活動，教導本地小將踢波。期間湯卡華利親身示範盤球及射門技巧，現場小將都睇得好開心。「聰明仔」之後喺Nike Football店內接受訪問時表示，好榮幸可以喺費格遜退休前一場聯賽上陣，而佢對新帥莫耶斯好有信心，相信曼聯會愈踢愈好。
被問到喺中場最鍾意同邊個合作，湯卡華利話係卡域克，仲話無論係卡域克定史高斯，都教曉咗佢好多嘢；而下季車仔、曼城都換帥，湯卡華利就話未驚過，豪言曼聯可以繼續喺英超封王。活動結束後，「聰明仔」就返酒店，食埋晚飯就去機場，搭凌晨機離港。