adidas Training Academy Keep Fit 免費授課周六最後召集
為都市人度身訂造嘅adidas Training Academy兩大Keep Fit秘技「adidas Performance Training」及「adidas Dance」經已登陸香港！早前獲派遠赴日本學藝嘅甲一籃球員劉子健、長跑好手陳國璋（Anson）、同埋兩位「舞林高手」Eddy與小婷，學成歸來後在沙田培僑書院免費開班授課，吸引近200名學員參加，個個玩到身水身汗，盡興而回。今個星期六（5月11日）將會有另一次體驗機會，想參加？快啲上facebook搵「adidas Basketball」或「adidas Women」報名啦！
adidas Performance Training 愉快操體能
由劉子健同陳國璋主持嘅adidas Performance Training，內容以體能訓練為主。adidas Training Academy之前曾經推出瑜伽、拳擊等活動，今次就返回基本步，所有運動嘅根源，就係體能，而劉子健同陳國璋就以一系列動作，配合強勁音樂，以科學化方法提升潛能。
劉子健指出：「以前做體能訓練係好沉悶，所有動作千篇一律，但參加adidas Training Academy之後，課程內所設計嘅動作，令我體能不經不覺提升，身體更快更強之餘亦取得平衡，箇中好處，大家一定要用身體去感受。」
學員有say
葉靄縈 中五生
「我係培僑書院女排隊員，呢個Training真係好好玩，跑跑跳跳已經做咗運動，一啲都唔辛苦。」
謝爕雋(右)、劉嘉榮 億洋籃球隊隊員
「我哋平時要操體能，好清楚知道呢個訓練真係練到嘢，返到球隊我會叫隊友一齊做。」
adidas Dance 瘦身效果佳
Eddy與小婷都有係深厚舞蹈根底，Eddy係健身會嘅跳舞導師，小婷原本係中國舞舞蹈員，兩人在日本學成歸來，主持「adidas Dance」，整個課程都在強勁節拍嘅熱舞中度過，參加者喺一小時內學識整套融入咗日本「J-Pop」元素嘅舞步，個個做到大汗淋漓，有型又好玩。
小婷話呢隻舞用嚟瘦身消脂就最啱：「我跳過唔少種類嘅舞，呢種舞步簡單易學得嚟，又能達到瘦身Keep Fit效果，值得推廣。」
學員有say
AA 、Ceci 教院學生
「我哋一直有學跳舞，今次都係跟導師小婷嚟開眼界，試吓唔同種類嘅舞步。」
adidas春夏男女裝系列引領風潮
做運動目的都係想要健康同有型，着靚啲去Keep Fit 係好重要，adidas全新春夏系列正係集運動功能同潮流元素於一身嘅運動裝束配備，無論男女老少都可作不同配搭，將運動服裝融入生活，齊做型男索女！
5月份體驗課
日期:5月11日
地點: 屯門順德聯誼總會梁銶琚中學
報名參加及了解活動詳情，可瀏覽以下adidas facebook page：
adidas Performance training：adidas Basketball
adidas Dance： Adidas Women