賺夠細路學費火箭又話掛Cue
四屆世界冠軍奧蘇里雲周三在英國謝菲爾德克魯斯堡劇院再顯「火箭」本色，速戰速決以13比4淘汰英格蘭同胞冰咸，闖入四強火併人氣球星卓林普，上演「冠軍前哨戰」，專登復出參戰世界賽的「火箭」重提再退役，並強調這次復出只是要賺錢為孩子交學費。
差不多休戰整個賽季的「火箭」奧蘇里雲，在「零」熱身下強勢闖入四強，距離第五次捧起世界冠軍只差兩仗，並爭取成為自「桌球皇帝」亨特利於92至96賽季後，首位成功衞冕的球員。不過，一向我行我素的「火箭」賽後再發「偉論」：「查實我今次復出唔係太掛住桌球，坦白講，我要搵錢幫我嘅細路交學費，已經有兩、三期未交，但依家賺到嘅，都應該夠畀未來兩年學費。」奧蘇里雲目前已穩袋52,000鎊獎金。
4強對卓林普昨開戰
這位01、04、08及12年盟主繼續「深情告白」，37歲的他表示這個比賽後再「掛Cue」:「我唔會再復出，呢個會係告別戰，我好開心可以打到呢個階段，但我仍會繼續競爭，因為我唔鍾意輸嘅感覺。至於以後我只會簽約打波，只會打10個賽事。」
奧蘇里雲昨晚與卓林普展開四強爭逐，外界認為此戰勝方將會是最後冠軍，因為下線決賽權只由兩個「大茄」禾頓同鶴健士爭逐。
（now 637今午5時、晚上9時30分及周六凌晨2時直播）