三大腦殘齊發作

技犯王今季第三次被逐

古辛斯今季多次「發作」，試過踢對方球員下體及與教練史馬治（Keith Smart）吵大鑊，昨日鬥爵士，就因為喺第二節尾段被判罰技犯後深深不忿，在半場休息期間找球證馬杜斯理論，該中鋒先向身邊的史馬治稱：「你覺唔覺佢（馬杜斯）好X似乸型？」然後又再向馬杜斯說：「唔好搞到自己變成一個咁乞人憎嘅乸型啦！」古辛斯「過晒火位」，隨即被判第2個技術犯規離場，今季3次被逐及累積12次「技犯」冠絕聯盟之餘，更連累帝王加時後以91比98反敗給爵士。

同樣神化的鳳凰城前鋒比士利，就因為上月底在亞利桑那州涉超速、無牌駕駛及藏械遭警方檢控，本月12日要出庭。至於公牛中鋒諾亞就最戇居，昨日在球隊不敵溜馬的比賽，未有依照聯盟的衣着守則觀戰，被保安帶入更衣室，要換回恤衫、西裝才可再次進場在後備席為隊友打氣。