塞爾特人淪落播歡呼聲挽人氣

發動三方交易撬加素

據《ＴＮＴ》殿堂級評述員艾拔向《波士頓先驅報》爆料，上周五塞爾特人主場不敵紐約人，懷疑「綠軍」播放假歡呼聲造勢：「ＴＤ花園（塞爾特人主場）嘅打氣聲點解會突然間加大，我已經留意到呢個情況唔止一次，會方好可能係玩緊人造聲浪！」71歲的艾拔做過超級碗評述員，喺ＮＢＡ列強主場亦留下不少腳毛，今次公然指「綠軍」造假自然充滿說服力。

「輸人唔輸勢」嘅方法治標不治本，戰績低迷嘅「綠軍」昨晨決定拉攏湖人及灰熊進行三方交易，計劃將主將皮雅斯送到灰熊，後者前鋒基爾就過檔湖人，然後從湖人羅致加素。不過，灰熊上周已送走前鋒史比迪斯及三分射手艾寧頓「搞靚」薪酬上限，如今未必會「騷」塞爾特人。灰熊成功保留基爾及蘭度夫，已具備足夠戰鬥力衝擊西岸前列位置，明早造訪76人可秤先，灰熊讓4.5分捧上盤。（now 678周二早上８時直播）