巴特治衰「睇強姦」

NBA球隊籃網中鋒巴特治捲入強姦案一事有新進展,受害女學生昨日表示巴特治雖然沒有強姦她,但就全程袖手旁觀,炮轟巴特治的冷血行為!懷疑協助強姦的巴特治一旦罪成肯定一身蟻,不過這位麻煩友就繼續淡定:「我一啲都唔擔心!」

受害者責「見死不救」

費城四季酒店本周三爆出強姦案,涉案的巴特治及兩位友人被帶返警署問話,21歲受害者昨日接受《ABC》電視台訪問時,披露當晚事發經過,直指巴特治「見死不救」:「我應該畀佢哋落咗藥,當時我全身冇晒力,先後畀兩個人強姦,但我見到巴特治一直企喺房門口『睇戲』,一直都冇出手阻止。」

巴特治雖然沒有強姦,但有美媒揣測這位籃網球星當晚乃擔任「天文台」角色,協助強姦案進行,巴特治則向《紐約每日新聞》坦言「未驚過」,相信待警方查出真相後可還他清白。