尼古恩露兩手high爆倒數
倫敦奧運體操銀牌得主的德國型男尼古恩除夕夜在尖沙咀出席倒數，以「湯馬斯全旋」及騎馬舞迎接2013年令全場High爆，昨日元旦更連踩兩場，先到奧海城出席親子體操特訓班，教授小朋友體操技巧，然後再到屯門市廣場出席簽名會，近距離接觸粉絲！雖然尼古恩略顯疲態，但佢依然掛住招牌笑容替粉絲簽名及拍照，盡顯親民作風。
用廣東話冧暈粉絲
在除夕倒數活動中，尼古恩以一身黑白型仔look示人，即引起在場女粉絲尖叫，更用半鹹淡廣東話問「我靚唔靚仔呀？」，冧得粉絲又叫又跳。尼古恩之後更當眾脫下外套作鞍馬簡單示範，令全場粉絲陷入瘋狂狀態。
尼古恩更與同場表演嘉賓一同大跳熱爆騎馬舞，在最後十秒倒數，佢更施展「湯馬斯全旋」迎接新一年來臨，將氣氛推至高點。
除夕天氣寒冷，但尼古恩仍穿上其背心體操服作表演，佢話都幾凍：「雖然覺得凍，但咁樣倒數都幾特別，係好難忘同刺激嘅經驗。即將離開香港，我都幾唔捨得，希望今年有機會抽空再嚟香港遊覽，再去蘭桂坊見識一下。」