「男神」尼古恩霍啟剛都冧

昨天尼古恩繼續其訪港行程，雖然連日忙個不停，但尼古恩全程面上依然掛着他那「殺死人」的招牌笑容，並對於港隊粉絲們的合照、簽名要求一律都冇托手(月爭)，冧到一眾女fans頭暈。同時，貴為香港體操總會會長的霍啟剛，亦慕名現身順利邨體育館，跟尼古恩合照，認真魅力沒法擋。

而與尼古恩分屬好友的香港奧運代表、「石仔」石偉雄，昨在活動上與尼古恩傾唔停，石仔透露今晚倒數後會跟他一起慶祝新一年的到來。

體操總會會長霍啟剛（右）亦慕名到來與「男神」合照。	尼古恩態度親切，被包圍索簽名一樣冇問題。	石偉雄（右）同尼古恩「雞啄唔斷」。

嘆未有時間遊景點

石仔笑說：「如果許可的話，我最想帶他回家，因為他在德國住慣大屋，相對我們香港住在比較細的樓房就冇咗種『warm』的感覺。如果佢夠膽食我煮嘅食物，我估我都會親自下廚。」被問到身邊的朋友會否拜託他向尼古恩拎簽名照，石仔表示：「何止拎簽名照，他們直頭話想見佢添！」

已來港數天的尼古恩大嘆尚未有時間去欣賞香港：「今次訪港的行程緊密，到目前為止我還未有時間去遊覽香港的景點，只是外出吃飯和去一下購物中心，所以我希望有機會再來香港。今天我的家人和女友去了澳門遊玩，雖然我很想去，但奈何抽不出時間，惟有等下次的機會了。」