昆明集訓零食過節
Saran透露中秋節及聖誕節都是她喜愛的節日：「以前鍾意中秋節，因為好鍾意食月餅，但近年啲月餅已經唔係幾好味，所以兩者相比，我最愛都係聖誕節。」訪問當天不停為聖誕樹布置、又將自己的奧運銅牌掛上聖誕樹，穿上聖誕裙的Sarah特別興奮：「我好鍾意閃閃令嘅嘢，加上我係基督徒，所以對聖誕有多一份感覺，而且聖誕節多數係天氣凍，但周圍嘅氣氛就令你覺得好Warm（溫暖）。」
由於要準備明年初的世界盃最後一站賽事，Sarah目前已在昆明積極備戰，雖然大部分隊友們都沒有節日的感覺，所以未必會「開P」（派對）慶祝，但她已預備了很多零食及特別的食品，準備與隊友在今日歡度佳節。