公牛用殘主力爆矛盾

戴歷羅斯及咸美頓兩大公牛主將打柴，教練泰保杜依然懶理一班手足死活以戰績行先，上周日鬥籃網繼續用殘主將，中鋒諾亞上陣四十二分鐘，小前鋒鄧格全場只休息三分鐘，兩人「工時」已冠絕聯盟，難怪諾亞賽後叫苦連天：「老實講，比賽之後身體感覺好唔掂，要抖番幾日先好番啲！」

高層同教練冇偈傾

據《紐約新聞日報》報道，公牛管理層與泰保杜就球員輪換時間存在極大分歧，高層擔心球員超負荷上陣時間會令傷病問題加劇，消息人士更指部分高層近期與泰保杜「冇偈傾」，氣氛勁僵。不過，泰保杜就繼續我行我素，昨日向美媒表示：「我班手足廿幾歲仔，驚乜？以前積遜教練都慣咗安排最好嘅球員打四十分鐘，我用人時間長又畀人話，用人時間少又畀人話，打波都係為贏啫，咁都唔啱？」

泰保杜搬埋「禪師」積遜上枱，更強調不會放棄球季，一班公牛主將睇怕都有排捱，慶幸控衞軒域治已復操，意大利射手比連尼利亦回復勇態，明早主場恭候客場四連敗的塞爾特人仍可秤先，公牛讓4.5分要上盤。