首屆同性戀運動會喺1982美國三藩市舉行，目標係向世界宣揚包容及參與精神，提升全球同性戀者嘅自尊，以及爭取獲得非同性戀者對佢哋尊重及理解。賽事同奧運一樣，每4年舉行一次，更一度以「同性戀奧林匹克運動會」為名，但遭到國際奧委會反對而改名。
其實同性戀運動會並冇限制參賽者嘅性取向，賽會歡迎更多人參與，從中了解同性戀者。上屆賽事喺德國科隆舉行，有70個國家參與，共有35個比賽項目，下屆將於2014年喺美國克利夫蘭及阿克倫市舉行。