周婉穎跆拳道黑帶
May為人怕醜、沉默寡言，被師妹踢爆才道出自己是跆拳道黑帶：「其實我唔勁啦！我冇參加過比賽，玩跆拳道只為興趣。除咗籃球，我都有玩擲鐵餅。」「細細粒」雖然人仔細細，但她於場上跑得極快：「小學時因為我跑得快，所以老師叫我試吓打籃球。雖然上籃時會被人block，但我動作較靈活，細細粒反而是我的優勢。在田徑方面，我喜歡跑800米、1500米兩項比賽。」
運動健將黃靖浠亦活躍於田徑項目：「我都有玩推鉛球、擲鐵餅。其實我仲想踢足球，但中學部冇足球隊，所以我加入同為團體運動嘅籃球隊。」動靜皆宜的她更有學習長笛，香港真光中學女籃真是人才濟濟！