雙倍租金玩殘港將點心舖
本地運動員都有涉足飲食界個案，試圖創業為退役鋪定後路，可惜香港租金實在貴得驚人，加幅更是任由業主「魚肉」，傑志隊長朱兆基曾開舖賣點心，可惜最終由於業主加租一倍而忍痛頂讓。
運動員生涯短暫，搞生意係謀生後路之一，早期有足球名宿黃文偉與友人開設天台吧，另外歐偉倫也曾投資酒吧，至於黃鎮宇則曾夥拍冼嘉裕等，開設「愛爾蘭瘋薯」小店。
搵埋唔夠交租
而朱兆基、文彼得及羅志焜「三兄弟」就在近年於尖沙咀寶勒行開設主打中式點心的食肆，奈何最終捱唔住貴租，剛被召入港隊的朱兆基表示：「間舖09年開業，本來生意唔錯，但業主話要加租，隔鄰舖租一倍，我哋亦由月租8萬租，加到16萬，真係做幾多都唔夠交租啦！」
由於點心舖是24小時營業，「三兄弟」初時輪流睇舖，同時又要兼顧踢波，實在太攰，所以最終決定頂讓點心業務，蝕少少離場。