形象改造似周筆暢
另一方面，葉詩文同孫楊一樣具備進軍娛樂圈嘅潛質，如果要多方面發展，外形上要點改造呢？有記者訪問台灣版《GQ》御用造型師呂寬，等佢為葉詩文嚟個「大改造」。
呂寬認為葉詩文氣質溫和，似足鄰家女孩，如果要進軍娛樂圈，最好順住呢條主線，周筆暢正是葉詩文嘅參考對象。而葉詩文因為身形高，可以多嘗試着長裙，能增加唔少文藝味道，如果再搭配一副黑框眼鏡，更會為佢贏得不少分數。
至於髮型方面，呂寬認為應以短髮為主，但可剪得更潮，好似何韻詩同小S都係參考對象。而化妝方面，呂寬則建議葉詩文應以淡裝為主，佢本身係單眼皮，適當時候可以加眼影，令眼睛更有神采。