孫楊喺倫敦奧運泳館一鳴驚人，贏得雙冠王成為中國體壇最耀眼嘅明星。完成奧運後回到家鄉杭州，孫楊仍然忙個不停，據說佢睇中咗一間756萬人民幣嘅豪宅，又享受大餐。作為中國人氣最旺嘅奧運冠軍，孫楊嘅休閒時間依然被廣泛關住。
20歲嘅孫楊喺倫敦奧運贏得2金1銀1銅游泳獎牌，除得到國家豐厚獎金外，更獲不少商品斟介為代言人，以其年紀和奧運嘅出色表現，廣告商當然願意投資喺佢身上，有傳其身價已超過8億人民幣，更有體育界人士預言，孫楊與林丹將會瓜分劉翔嘅代言地位。
人紅自然是非多，孫楊早前表示自己每日訓練，忙到冇時間拍拖，網上即時傳出關於佢同嫩模相戀嘅傳聞，但孫楊同佢屋企人都否認。佢依家同啲電視當紅小生一樣，唔可以有緋聞埋身o架！
奧運凱旋回歸後，孫楊即前往杭州著名豪宅屋苑睇樓，結果睇中咗一間價值756萬人民幣嘅210平方米豪宅。
孫楊透露係送畀父母嘅安樂窩，足證呢位奧運冠軍非常孝順。下晝買完樓，孫楊夜晚就嚟一個豐富嘅晚餐，之後仲會返體校游泳館探望啟蒙教練。
買屋、食大餐、探訪教練，孫楊返杭州後嘅休息日子，行程安排依然密麻麻，不過孫楊應該會樂在其中。