奧運田徑上春光乍洩，兩張「艷照」在網上瘋傳，中國「欄王」劉翔更成為主角之一，佢日前喺110米欄悲情退賽，於賽場上有攝影師捕捉到劉翔左手觸碰扶住佢嘅匈牙利跑手巴積下體，不過好大機會其實係攝影角度問題！
另一位主角係挪威跑手恩治比格臣，佢參加男子1500米跑決賽時，運動褲下體位置隆起，而且變成淺色，疑似「爆胎」，非常礙眼。不過佢毫不知情繼續比賽，表現興奮愈戰愈勇，並打破挪威紀錄，最後獲得第五名。賽後，記者向恩治比格臣提及此事，佢淨係識尷尬傻笑，仲話冇阻礙佢比賽。