背心熱褲撐場萊絲高比有路？
【本報綜合報道】澳洲泳手萊絲與高比拜仁喺奧運期間結伴睇單車賽，萊絲更喺美國對澳洲嘅男籃8強戰入場睇波，佢起先喺觀眾席上穿上澳洲隊服，但離場就變成吊帶背心和熱褲，唔知係咪趕住同高比慶祝。
萊絲入場捧澳洲國家隊定高比場真係唔知，但有唔少澳洲運動員睇唔過眼，紛紛喺網上留言直斥其非。
澳洲隊友睇唔過眼
澳洲女子籃球明星中鋒甘比治喺twitter指萊絲與高比有不正常關係，忠告她不要破壞別人的家庭。而前澳洲泳手史提芬斯接受訪問時，亦直指萊絲與高比已開始某種關係，更指高比4年前已想兜搭萊絲，睇嚟佢兩個確實已經撻着！