「水怪」上岸變「狗仔」？話說美國「水怪」菲比斯退休後，公開咗佢同25歲嘅露絲已拍拖半年。不過，原來呢位喺夜場打工嘅索女係「情場高手」，仲向身邊老友炫耀話：「佢就好似隻狗仔咁聽話！」
據消息人士透露，菲比斯喪冧露絲，貼貼服服乜都聽佢話！但其實露絲係充滿野心，自細就想成名嘅佢，一直想搵個有名嘅男友，藉此提高知名度嚟進軍荷里活，早排就曾經主動出擊力溝美國「才子」導演兼演員Zach Braff，但就食晒「檸檬」。今次露絲遇上「狗仔」菲比斯，終於畀佢恨到啦！