林書豪今個夏天除咗不斷操Fit自己，準備迎接新球季，原來佢閒時都鍾意打高爾夫球Relax一下，最近佢就將自己喺暑假期間嘅生活影片放上網，片中除咗記錄林書豪平日練波、做gym、打Golf嘅生活片段，仲有佢着成套「老西」拍攝廣告嘅情況。
另外，仲有一段係佢在遊樂場和一班小朋友玩投籃機及跳舞機嘅片段，唔好睇林書豪高高大大，原來佢玩起跳舞機上嚟都有板有眼，自己玩得開心之餘，同時亦氹到一班小朋友好開心，真係愛心爆棚，大家有興趣可以到以下網址欣賞呢條片。http://www.youtube.com/watch?v=Hc7Rdl0TeHo&feature=player_embedded#!
