倫敦市長約翰遜近排愈嚟愈紅，講嘅並唔係政績，而係佢喺各項活動出晒醜嘅表現。繼日前做宣傳時被掛喺半空之後，尋日又有新瘀嘢。話說昨日俄羅斯總統普京應英國首相卡梅倫之約，去睇奧運柔道賽時，約翰遜竟然唔識死公然向普京「挑機」，佢話：「聽人講普京係柔道高手，所以我挑戰佢。Come On！快啲除衫同我隻揪！嚟一場『政治奧運』！」
既然有人唔知個「死」字點寫，自然好多「花生客」等睇戲：「實在太好嘞！上次錯過咗佢被吊起嘅朋友，今次一定唔可以再錯過！」