自德國世界盃彈起「章魚哥」保羅後，全球各地都有識預測賽果嘅「神獸」，今次倫奧就到驢子拉利出場！據稱拉利擁有「神力」，之前成日都估中賽果；但佢出到奧運大場面可能有啲緊張，命中率麻麻哋咋喎！
拉利今年15歲，來自倫敦哈克尼市某個農場，於倫奧開始後，主人就搵佢進行預測。其中一條題目係「英國能否於8月1日奪金」，拉利喺「Yes」同「No」兩個飼料桶中，揀食「No」嘅食物，最後成功命中。但連日來拉利命中率得四成，似乎失威咗啲喎！