焦劉洋自爆兩年地下情
個樣有幾分似長澤正美嘅焦劉洋，今屆吐盡4年前京奧怨屈，奪得200米蝶泳金牌，真係光宗耀祖！雖然佢人靚又夠紅，但一向對緋聞事隻字不提，只係知佢瘋狂迷戀南韓飛魚朴泰桓，成日揸住張合照又唔畀人睇，玩神秘！
不過，可能因為奪金心情靚嘅關係，焦劉洋竟然大方咁公開男友身份，而呢位「真命天子」正正係中國隊昔日自由泳「一哥」陳祚。原來兩人喺前年廣州亞運已經「撻着」，尋日佢兩個喺倫敦街頭拍拖時，畀記者撞到正，想唔認都唔得喇！
焦妹接受內地電視台訪問時亦證實，自己將會成為軍方十八大代表，有會開囉！