【本報綜合報道】梅萊殺入奧運網球男單決賽，背負所有英國國民的希望，有傳英國首相卡梅倫都有意捧場支持。不過，英國網民一聽到呢個消息就耍手兼擰頭，因為卡梅倫最近兩次去捧梅萊場，後者都不幸輸波，證明二人八字相沖。
日前奧運男雙網球賽事，梅萊拍住哥哥出戰首圈，卡梅倫亦有入場支持，結果落敗被淘汰。之前於溫布頓決賽，卡梅倫同樣有撐場，結果後者不敵費達拿，與冠軍無緣。難怪一眾英國網民知道消息後，都希望卡梅倫這隻「黑腳」今次麻煩高抬貴手，唔好邪住梅萊，今晚去觀看其他比賽好過。
另外，這場男單決賽將採用5盤3勝制，勝方除有金牌落袋外，更可額外獲750分的ATP積分。
