森巴妹勒住踢益晒英國
女子奧運足球上演最後一輪分組賽，東道主英國於E組將會和巴西爭奪小組首名出線，巴西上場小勝新西蘭欠缺霸氣，況且佢哋今場和波已可首名晉級，面對踢法硬淨嘅英國讓波唔抵玩，波童捧「讓球主勝」。
（有線63及203台周三凌晨2時45分直播）
和波都首名點會搏？
巴西、英國於E組兩戰兩勝已經篤定出線，由於巴西得失球差佔優，今場只要打和便可奪得小組首名，有望於八強避開奪標熱門美國。呢班「森巴妹」上場雖然擊敗新西蘭，不過演出明顯比首仗遜色，瑪達、姬絲蒂安妮狀態一般，要撕破密集防守有難度。相反英國上場贏喀麥隆，表現明顯比首場對新西蘭有進步，而且佢哋同巴西一樣連續兩場冇失波，防守工作做得唔錯，再加上主場之利，有力同巴西周旋，受讓抵玩。
法國回勇「-1」趁熱食
另外G組賽事，法國上仗大炒北韓五比○重上正軌，今輪面對兩戰全敗兼零入球嘅哥倫比亞難尋敗理，熱捧1.44倍「讓球主勝」。同組美國兩戰全勝顯熱門本色，不過主力射手雲巴芝上場被打（月爭）受傷，或令部分球員落場有顧忌，北韓和波至少可以小組第三名晉級，相信大家都會踢得較保守，捧入球細。
笛子波童