脹爆鍾絲100蛙殺入決賽
普通人畀人話身材走樣，都肯定嬲到震，更何況係一代蛙后？澳洲名將妮絲鍾絲早前被袋鼠國傳媒笑佢係「倫奧潛艇」，但佢冇自暴自棄，仲話多謝媒體畀佢無限鬥志。
今年26歲嘅鍾絲，本屆第4度參加奧運，但冇得到應有尊重，連「自己人」都笑佢脹爆，認真冇陰功。不過鍾絲化悲憤為力量，前日於預賽以總成績第5名順利打入決賽，話畀全世界知「我很肥，但我好游得」。鍾絲話：「其實傳媒唔係第一次咁話我，但我冇擺喺心，佢哋都係想激勵我啫。」可以將人身攻擊化做奮鬥動力，鍾絲你係得嘅！
普通人畀人話身材走樣，都肯定嬲到震，更何況係一代蛙后？澳洲名將妮絲鍾絲早前被袋鼠國傳媒笑佢係「倫奧潛艇」，但佢冇自暴自棄，仲話多謝媒體畀佢無限鬥志。
今年26歲嘅鍾絲，本屆第4度參加奧運，但冇得到應有尊重，連「自己人」都笑佢脹爆，認真冇陰功。不過鍾絲化悲憤為力量，前日於預賽以總成績第5名順利打入決賽，話畀全世界知「我很肥，但我好游得」。鍾絲話：「其實傳媒唔係第一次咁話我，但我冇擺喺心，佢哋都係想激勵我啫。」可以將人身攻擊化做奮鬥動力，鍾絲你係得嘅！