格拉斯坦「撻出個未來」，除為俄羅斯奪得本屆奧運首金外，仲擸埋平治、靚屋，認真梳乎！呢名甩牙大隻佬依家於俄國人氣急升，國內一間建築公司決定送佢一間600平方呎嘅迷你住房，再加一部靚車，格拉斯坦呢次肯定笑到見牙唔見眼嘞！
俄羅斯選手史上從未攞過柔道奧運金牌，今次做出「零的突破」意義非凡，所以佢已經紅透半邊天，一間建築公司送佢大批名貴禮物，間屋雖然得600呎唔算好大，但入面有齊全部傢俬，再加埋架benz，真係開心到痹。